اسلام آباد ۔ 14 نومبر (اے پی پی) افغان وزارت خارجہ ایس پی طاہر خان داوڑ دی لاش صوبہ ننگرہار توں ملنڑ دی تصدیق کرڈتی اے اتے ایندے بارے کابل اچ پاکستانی سفارتخانہ کوں ڈسا ڈتا گئے، لاش دے نیڑے طاہر خان داوڑ دا سروس کارڈوی ملیے۔ ترجمان دفتر خارجہ دے مطابق افغان وزارت خارجہ کابل اچ پاکستانی سفارتخانہ کوں ڈسائے جو صوبہ ننگر ہار دے ضلع در بابا اچ لوکاں کوں ہک لاش ملی اے اتے لاش دے نیڑے ملنڑ آلے سروس کارڈ نال خیبر پختونخوا دے ایس پی طاہر خان داوڑ دی سنجانڑ تھئی اے۔پولیس اے لاش مہمند درہ ڈسٹرکٹ اتے اتھو افغان حکام جلال آباد منتقل کیتے جیہڑی ضروری کارروائی توں بعد جلال آباد اچ پاکستانی قونصلیٹ جنرل طورخم سرحد تے پاکستان بھجویسن۔
