اسلام آباد ۔ 14 نومبر (اے پی پی) جنرل الیکشن 2018ءدے حوالے نال قائم خصوصی پارلیمانی کمیٹی دی ذیلی کمیٹی دا اجلاس کمیٹی دے کنوینر شفقت محمود دی زیر صدارت بدھ کوں پارلیمنٹ ہاﺅس اچ تھیا ۔ اجلاس دے بعد ذرائع ابلاغ نال گال مہاڑ کریندے ہوئیں کمیٹی دے کنوینر وفاقی وزیر شفقت محمود آکھیے جو چوہدری فواد حسین کمیٹی دے آئینی دائرہ کار تے اعتراض چاتے جو کمیٹی آئین دے آرٹیکل 225دے تحت الیکشن دی تحقیقات کائنی کر سگدی ۔میں بطور چیئر مین فیصلہ کیتے جو پرویز خٹک کو ںاعتراضات تے مشتمل ریفرنس بھیجیساں ۔انہاں آکھیے جو ایندا جائزہ گھننڑ ضروری اے جو آرٹیکل 225دی موجودگی اچ پارلیمانی کمیٹی انتخابات دی تحقیقات کر سگدی اے یا کائناں ۔آندے اجلاس اچ سارے ممبران اپنڑے اپنڑے ٹی او آرز لکھ تے ڈیسن ۔اجلاس دے بعد میڈیا نال گال مہاڑ کریندے ہوئیں کمیٹی اچ شامل اپوزیشن رکن سید نوید قمر آکھیے جو خود پی ٹی آئی دے آکھنڑ تے گزریل الیکشن دے بعد عدالتی کمیشن بنڑایا گیا ،اساں حکومت دے اعتراضات تے متفق کائننی۔ کیمٹی دے آندے اجلاس اچ اپنڑے اپنڑے ٹی او آرز پیش کر ڈیسوں ۔
