بھارتی آرمی چیف کوں جارحانہ بیانات نئی ڈیونڑیں چاہیدے تے سوچ تے بولنڑ دی ضرورت اے، پاکستان دے صبر کوں کمزوری نہ سمجھیا ونجے ،بھارت مذاکرات اچ سنجیدہ کائنی ،اتے ایجھی صورت حال اچ اگی تے ودھنڑ ممکن کائنی ،پااکستان اتے روس وچال ڈو پاسے تعلقات اچ تکھے مثبت پیش رفت تھیندی پئی اے ، دفتر خارجہ دے ترجمان ڈاکٹر محمد فیصل دی پریس بریفنگ

اسلام آباد ۔ 22 نومبر (اے پی پی) پاکستان اجمل قصاب دے حوالے نال بھارتی آرمی چیف دے بیان تے رد عمل دا اظہار کریندے ہوئیں آکھیے جو بھارتی آرمی چیف کوں جارحانہ بیانات نئی ڈیونڑیں چاہیدے تے سوچ تے بولنڑ دی ضرورت اے پاکستان دے صبر کوں کمزوری نہ سمجھیا ونجے، بھارت مذاکرات اچ سنجیدہ کائنی ،ایجھی صورت حال اچ اگی تے ودھنڑ ممکن کائنی ۔ امریکہ پاکستان دے انٹلیجنٹس معلومات دی بنیاد تے دہشت گرداں دے خلاف کئی کامیاب اپریشن کیتن جیں اچ یاتاں دہشت گرد گرفتار تھن یا ماریے گن ۔ خمیس کوں ہفتہ وار پریس بریفنگ دے دوران صحافیاں دے مختلف سوالاں دا جواب ڈیندے ہوئیں دفتر خارجہ دے ترجمان ڈاکٹر محمد فیصل آکھیا جو پاکستان بھارت دے نال کشمیر سمیت سارے تصفیہ طلب معاملات تے گال کرنڑ سانگے تیار اے لیکن بھارت مذاکرات اچ سنجیدہ کائنی ۔اقوام متحدہ دی جنرل اسمبلی دے اجلاس دے موقع تے بھارت پاکستان دے نال گال توں خود پچھی تے ہٹ گیا ۔ ترجمان آکھیا جو بھارتی دھمکیاںتوں ہرگز کائناں ڈرسوں۔ترجمان بھارتی پنجاب دے وزیر اعلی دے بیان کوں مسترد کر ڈتا تے آکھیا جو بھارت کوں آندے انتخابات اچ فائدہ پجاونڑ سانگے اندرلے مسلے اچ پاکستان کوں نئی گھیلنڑاں چاہیدا ۔ترجمان ہک سوال دا جواب ڈیندے ہوئیں آکھیا جو نئی دہلی اچ پاکستانی ہائی کمیشن 3838 سکھ یاتریاں کوں مذہبی رسماں اچ شرکت دی غرض نال ویزے جاری کیتن جڈاں جو بھارت دے نال کرتار پور سرحد متعلق وختی چنگی خبر ڈیسوں ۔پاک روس تعلقات دے حوالے نال ہک سوال دا جواب ڈیندے ہوئیں ترجمان آکھیا جو پاکستان تے روس وچال ڈو پاسے تعلقات اچ تکھی پیشرفت تھئی اے اتے اے تعلقات مزید مستحکم تھیسن ۔