اسلام آباد ۔17 نومبر(اے پی پی)وفاقی وزیر خزانہ اسد عمر آکھیے جو حکومت دا کوئی اینجھا ارادہ یا منصوبہ کائنی جو پاکستان سٹیل ملز،پی آئی اے اتے پاکستان ریلوےز جھیں سٹریٹجک اہمیت دے سرکاری ملکیتی اداریاں دی نجکاری کیتی ونجے، صرف غیر سٹریٹجک اہمیت آلے اداریاں دی نجکاری کیتی ویسی۔ہک انٹرویو اچ انہاں دا آکھنڑ ہا جو پاکستان سٹیل ملز ملک اچ خام لوہے اتے کوئلے دے وسیع ذخائرپاروں بہوں اہمیت رکھدے،ایں سانگے حکومت پاکستان سٹیل ملز انتظامیہ کوں ملز بھر پور صلاحیت نال چلاونڑ کیتے منصوبہ بندی بنڑاونڑ لو 45ڈینہہ دی وتھی ڈتی اے، پچھلیاں حکومتاں چین اتے روس توں ڈو واری منصوبے دی فزیبلٹی سٹڈی کرائی ہئی جیندے اچ منصوبے کوں قابل عمل اتے منافع بخش قرار ڈتا گیا ہا۔انہان آکھیے جو حکومت ہنڑ ہی ائر لائن دا بزنس چلاونڑ کیتے 23ارب روپے دابیل آوٹ پیکج منظور کیتے بھل اے کوئی مستقل حل کائنی۔
