اسلام آباد ۔ 13 نومبر (اے پی پی) وزیراعظم عمران خان آکھیے جو حکومت وزارت دفاعی پیداوار دی لوڑھ پوری کرنڑکیتے پورا ہتھ ونڈیسی، گوادر شپ یارڈ بنڑاونر کیتے وی حکومت تعاون کریسی۔اے گالھ انہاں وزارتِ دفاعی پیداوار بارے بریفنگ اچ خطاب کریندے آکھی۔اجلاس اچ وفاقی وزیر برائے دفاعی پیداوار زبیدہ جلال، وزیراعظم دے معاون خصوصی افتخار درانی، سیکرٹری دفاعی پیداوار لیفٹیننٹ جنرل (ر) محمد اعجاز چوہدری اتے سینئر افسران شریک ہن۔ سیکرٹری دفاعی پیداوار وزیرِاعظم کوں وزارت ااتے ایندے اداریاں دے کم اتے کارکردگی بارے ڈسایا۔وزیرِاعظم عمران خان وزارتِ دفاعی پیداواردی کارکردگی دی تعریف کریندے آکھیا جو ملک دی دفاعی ضروریات پورا کرنڑ دے نال نال کمرشل اتے بئے سماجی سرگرمیاں دے شعبیاں اچ کامیابیاں قابل تعریف ہین، حکومت وزارت دفاعی پیداوار دی لوڑھ پوری کرنڑکیتے پورا ہتھ ونڈیسی۔
