راولپنڈی ۔ 22 نومبر (اے پی پی) صدر مملکت ڈاکٹر عارف علوی آکھیے جو حکومت عوام کوں خاص طور تے دور افتادہ علاقیں دے لوکاں کوں معیاری خدمات دی فراہمی سانگے ہر ممکن اقدامات کریندی پئی اے ۔انہاں اے گال خمیس کوں اتھاں آرمڈ فورسز انسٹیٹیوٹ آف ڈینٹسٹری (اے ایف آئی ڈی) اچ 11 ویں بین الاقوامی کانفرنس اورل اینڈ میگزیلو فیشل سرجنز نال خطاب کریندے ہوئیں آکھی ۔ صدر مملکت بحیثیت مہمان خصوصی تقریب نال خطاب کریندے ہوئیں اے ایف آئی ڈی اتے پاکستان ایسوسی ایشن آف اورل اینڈ میگزیلو فیشل سرجنز (پی اے او ایم ایس) کو اس بین الاقوامی کانفرنس دے انعقاد تے مبارخ ڈیندے ہوئیں آکھیے جو اے کانفرنس شرکاءسانگے سکھنڑ سانگے بہوں تجربہ ہوسی ۔ انہاں ڈینٹسٹری دے شعبے اچ اے ایف آئی ڈی دی خدمات دی تعریف کریندے ہوئیں آکھیے جو اے ادارہ ملک اچ چیدہ چیدہ مرکز فضلیت اچوں ہک اے جیرھا جو ڈینٹسٹری دے شعبیں اچ علاج معالجے دیاں جدید ترین سہولتاں نال آراستہ اے ۔ صدر مملکت جیرھے جو خود وی ہک ڈینٹسٹ ہن، انہاں ڈینٹسٹری دے میدان اچ رونما تھیونڑ آلی پیش رفت تے انسانی جسم دی مجموعی فٹنس تے اورل ہیلتھ دی اہمیت کوں اجاگر کیتا ۔
