اقوام متحدہ ۔ 2 نومبر (اے پی پی) اقوام متحدہ دی تعلیمی، سائنسی اتے ثقافتی تنظیم (یونیسکو) اپنڑی تازہ رپورٹ اچ آکھے جو دنیا اچ ہر چار ڈینھ اچ ہک صحافی کوں قتل کیتا ویندے اتے 2006 توں 2017ءتئیں پوری دنیا اچ ہک ہزار توں ودھ صحافی مارے گئن ۔ اقوام متحدہ نیوز دی رپورٹ دے مطابق یونیسکو دے اظہار رائے دی آزادی دی سلامتی معاملات دے خصوصی سفیر ڈیوڈ کائے سمیت کئی ماہرین رپورٹ جاری کریندیں ہوئیں آکھیا جو صحافیاں دے قتل دے10اچوں 9معاملیاں اچ قاتلاں کوں سزا کائنی تھیندی جئیں پاروں ایجھے حملیاں اچ ودھارا تھیونڑ دے خدشے ودھ ویندن۔
