دہشت گردی دے اجوکے واقعات دے تناظر اچ قانون نافذ کرنڑ آلے اداریں کوں تکڑا تھی تے کم کرنڑاں پوسی ،عثمان بزدار

لاہور۔24 نومبر(اے پی پی ) وزیراعلیٰ پنجاب عثمان بزدار آکھیے جو امن وامان دی صورت حال دی خود مانیٹرنگ کرینداپیاں ۔ امن و امان دی صورتحال کو ں برقرار رکھنڑ ریاست دی پہلی ذمے واری اے تے عوام دے جان تے مال دے تحفظ سانگے ہر ضروری قدم چاتا ویندا پئے ۔انہاں آکھیا دہشت گردی دے اجوکے واقعات دے تناظر اچ قانون نافذ کرنڑ آلے ادایرں کوں پہلے توں ودھ تکڑے تھی تے کم کرنڑاں پویس ۔وزیراعلیٰ ہدایت کییتی جو امن عامہ دی فضا بہتر بنڑاونڑ سانگے پولیس اتے قانون نافذ کرنڑ آلے ادارے تکڑے ہن تے ڈویژنل تے ڈسٹرکٹ افسران اپنڑے اپنڑے علاقیں اچ پر امن فضا کوں یقینی بنڑاون ۔انہاں آکھیا ایڈیشنل چیف سیکرٹری داخلہ اتے انسپکٹر جنرل پولیس صورتحال تے کڑی نظر رکھن اتے سارے متعلقہ افسر امن دی صورت حال دے حولاے نال مانیٹرنگ جاری رکھن ۔