اسلام آباد ۔ 20 نومبر (اے پی پی) وزیر مملکت داخلہ شہریار آفریدی آکھیے جو شجر کاری دے بہترین اثرات مرتب تھیسن ، پاکستان دہشت گردی دے خلاف جنگ اچ ودھ ساریاں قربانیاں ڈتن جیں دی عالمی برادری وی تعریف کیتی اے ۔ اسلام آباد اچ منگل کوں میڈیا نال گال مہاڑ کریندے ہوئیں انہاں آکھیا جو100ڈینھ دے پلان تے پورا عمل در آمد کیتا ویندا پئے ، 100ڈینھ دے پلان 6نکاتی ایجنڈے تے مشتمل اے جیں اچ 35 پوائنٹس ہن جیں اچ ساریاں چیزاں دا جائزہ گھندے پیوں ۔ملک اچ کرکٹ بحال تھیسی بھاویں او پی ایس ایل ہو یا انٹرنیشنل کرکٹ کیوں جوپاکستانی قوم دی اللہ، ایندے محبوبﷺ اتے ایں دھرتی دے بعد ساریں توں ودھ محبت کرکٹ نال اے ، ملک اچ کرکٹ دے ودھارے سانگے ہر ممکن اقدامات کیتے ویندے پن ۔
