اسلام آباد ۔ 30 نومبر (اے پی پی) وفاقی وزیر اطلاعات و نشریات چوہدری فواد حسین آکھیے جو جمہوری نظام دی کامیابی کیتے قانون دی حکمرانی دا وڈا کردار اے،ملکی ادارے مستحکم ہوونڑے چاہیدن،ہے ،بطور ادارہ طاقتور اتے آزاد عدلیہ ضروری اے ،ساڈا مقصد نظام کوں چنگاں اتے فعال بنڑاونڑ اے۔ اے گالھ انہاں پہلی برکلے لاءکانفرنس نال خطاب اچ آکھی۔ انہاں آکھیے جو ججاں دی تعیناتی اتے برخاستگی دا طریقہ کاراوکھا اے، جڈاں اساں حقائق دے مطابق معاملات حل نئیں کرسگدے تاں عدالتان اپنرا کم کریندن سپریم کورٹ آلی کار ہائی کورٹس ،ضلعی عدالتاں اتے سول کورٹس کوں وی مضبوط بنڑاونڑدی لوڑھ اے،سپریم کورٹ اتے لاءکمیشن کوں ایندے تے سوچنڑا چاہیدے، کجھ ڈویژناں اچ ہائیکورٹس بنڑاونڑ دا مطالبہ کیتا ویندا پئے ایں سانگے حکومت اتے عدلیہ کوں رل تے کم کرنڑا چاہیدے۔انہاں آکھیے جو سول عدالتاں دی تشکیل نوویلھے دی وڈی لوڑھ اے جے تئیں سول عدالتاں اتے ضلعی عدالتاں دا ڈھانچہ ٹھیک نئیں تھیندا مسائل ایوین ہی راہسن۔
