اسلام آباد ۔ 27 نومبر (اے پی پی) سپیکر قومی اسمبلی اسد قیصر نال منگل کو ں پارلیمنٹ ہاﺅس اچ پنجاب اسمبلی دے سپیکر چوہدری پرویز الہی ملاقات کیتی جیں اچ ملک دی موجودہ سیاسی،معاشی و اقتصادی صورتحال سمیت سانجھے دلچسپی دے امور تے گال مہاڑ کیتی گی ۔ایں موقع تے چوہدری پرویز الٰہی نال گال مہاڑ کریندے ہوئیں سپیکر قومی اسمبلی اسد قیصر آکھیا جوپارلیمنٹ دی مضبوطی اچ ہی عوامی مسلیں دا حل اے ۔قانون سازی کیتے پارٹی وابستگیاں توں بالاتر تھی تے کردار ادا کرنڑاں ہوسی ، ایوان دی کاروائی اچ پارلیمانی روایات اتے قواعد و ضوابط کوں سامنڑے رکھنڑ ضروری اے ، ایوان دا تقدس اتے احترام دا خیال رکھنڑ سانگے ارکان دی اجتماعی ذمے واری اے ۔اسد قیصر آکھیا جو ملک کوں آونڑ آلے مسلیں توں کڈھنڑ سانگے سارے صوبیں کوں وفاق دے نال رل تے خصوصی اقدامات کرنڑیں ہوسن ۔انہاں آکھیا دنیا اچ او قوماں عروج تے ویندن جیرھیاں اوکھے وقت اچ ثابت قدم رہ ویندن ، پاکستانی قوم ہمیشہ اوکھے حالات دا ڈٹ تے مقابلہ کیتے ، وفاق اتے صوبیں کوں قانون سازی دے ذریعے عوامی نوعیت دے اہم مسلیں کوں ترجیحی بنیاداں تے حل کرنڑ دی ضرورت اے ۔ سپیکر قومی اسمبلی اتے صوبائی اسمبلی وچال رابطے کوں ودھارا ڈیونڑ دی جرورت تے زور ڈتا ۔
