سپیکر قومی اسمبلی اسد قیصر پبلک اکاﺅنٹس کمیٹی دے چیئرمین دے معاملے کوں چنگے طریقے حل کرنڑ سانگے حکومتی اتے اپوزیشن رہنماواں نال رابطے شروع کر ڈتن

اسلام آباد ۔29 نومبر(اے پی پی)حکومت اتے اپوزیشن وچال پبلک اکاﺅنٹس کمیٹی دے چیئرمین دے معاملے تے جھیڑا برقرار ہے ،تاں جوسپیکر قومی اسمبلی اسد قیصر ایں مسئلے کوں چنگے طریقے حل کرنڑ سانگے حکومتی اتے اپوزیشن رہنماواں نال رابطے شروع کر ڈتن ۔ امید کیتی ویندی پئی اے جو قومی اسمبلی دے آندے سیشن تئیں پبلک اکاﺅنٹس کمیٹی سمیت بئی قائمہ کمیٹیاں بنڑاونڑ دا مرحلہ مکمل کرگھد اویسی۔ قومی اسمبلی سیکرٹریٹ ذرائع مطابق پبلک اکاﺅنٹس کمیٹی دے چیئرمین دے معاملے تے حکومت اتے اپوزیشن وچال جھیڑے دا قابل عمل حل کڈھنڑ سانگے سپیکر قومی اسمبلی اہم حکومتی رہنماواں دے نال نال اپوزیشن دے اکابرین نال وی مشورے شروع کر ڈتن۔ ذرائع توقع ظاہر کیتی ہے جو ااے معاملہ قومی اسمبلی دے آندے سیشن تئیںحل تھی ویسی۔ واضح رہے جو حکومت ولوں قائد حزب اختلاف میاں شہباز شریف کوں پی اے سی دا چیئرمین بناونڑ سانگے زور ڈتا ویندا پئے جڈاں جو اپوزیشن دا مطالبہ ہے جو گزریل ڈو ،دور توں پی اے سی دا چیئرمین اپوزیشن لیڈر کوں بنڑائے ونجنڑ دی روایت برقرار رہنڑیں چاہیدی ہے۔ ایں جھیڑے دی وجہ نال قومی اسمبلی دی29 قائمہ کمیٹیاں دی تشکیل وی التواءدا شکار ہے۔ قومی اسمبلی دے قواعد وضوابط دے قاعدہ 200 مطابق وزیراعظم دے حلف گھنڑ دے 30 ڈینھ دے اندر اندر قائمہ کمیٹیاں دی تشکیل دامرحلہ مکمل کرنڑ ضروری ہوندے۔