اسلام آباد ۔ 15 نومبر (اے پی پی) سینیٹ ڈاکٹر عافیہ صدیقی دی رہائی اتے واپسی سانگے قرارداد دی منظوری ڈے ڈتی ۔ خمیس کوں ایوان بالا دے اجلاس اچ سینیٹر طلحہ محمود ایں سلسلے اچ قرارداد پیش کیتی۔ قرارداد اچ آکھیا گے جو ایوان بالا امریکہ اچ طویل عرصے توں قید عافیہ صدیقی دی مسلسل قید تے تشویش دا اظہار کریندے۔ قرارداد اچ پارلیمنٹ اتے پارلیمانی کمیٹیاں ولوں انہاں دی رہائی سانگے کیتیاں ونجنڑ آلیاں کوششاں کوں سراہاگیا ۔ ایوان حکومت تے زور ڈتے جو او انہاں دی رہائی تے وطن واپسی سانگے بھرپور اقدامات کرے ۔ ایوان اتفاق رائے نال قرار داد دی منظوری ڈے ڈتی ۔قرارداد تے سینیٹر طلحہ محمود، سینیٹر مشتاق احمد خان اتے بئے ارکان اظہار خیال وی کیتا ۔
