اسلام آباد ۔ 6 نومبر (اے پی پی)وزیرخزانہ اسدعمرآکھیے جو سی پیک منصوبہ چین اتے پاکستان وچال تعاون دی بہترین مثال اے اتے ڈوہاں ملکان دے کٹھے مفاد اچ اے،پاکستان تے کل بیرونی قرضہ اچ چینی قرضہ دا حجم 10 فیصد تئیں اے،پاکستان اچ جی ڈی پی دے تناسب نال قرض دی شرح ودھ اے بھل قابل انتظام وی اے۔ چائنا گلوبل ٹیلی وژن کوں انٹروی اچ انہاں چین تے ” قرضہ دے ذریعے سفارت کاری“دے الزام بارے آکھیا جو ساکون قرض دا ضرور مسلہ اے بھل چین دے قرضے بارتے کوئی اوکھ کائنی۔ انہاں سی پیک منصوبہ دے ذریعے پاکستان کوں اقتصادی مسائل اچ پھساونڑ دے تاثر کوں ”بے ہودہ اتے احمقانہ“ قرار ڈیندے آکھیے جو اے منصوبے تعاون دی وڈی مثال اے۔ انہاں آکھیا جو پاکستان دے قرض اچ چین دا حجم کوئی ودھ کائنی،پاکستان اچ جی ڈی پی دے تناسب نال قرضہ دی شرح ودھ اے بھل قابل انتظام اے، برآمدات گھٹنڑ نال پاکستان کوں قرض دی پائیداریت دا مسلہ تھیسی، ودھ غیر ملکی کرنسی نہ ملنڑدا مسلہ حل کرنڑ کیتے پاکستان اندرونی بچت تے توجہ دے نال نال چین جھین سنگتی ملکاں نال برآمدات ودھاونڑ تے کم کریندا پئے،چائنہ انٹرنیشنل امپورٹ ایکسپو نال ساڈیاں کوششاں کوں کامیابی ملسی۔
