اسلام آباد ۔ 15 نومبر (اے پی پی) صدر مملکت ڈاکٹر عارف علوی خمیس کوں نیشنل لائبریری اچ ”پریذیڈینشل کارنر“ دا افتتاح کرڈتا۔ انہاں خاتون اول دے نال نیشنل لائبریری دا دورہ کیتا ۔ وفاقی وزیر تعلیم شفقت محمود آمد تے صدر مملکت دا پر تپاک استقبال کیتا۔ صدر مملکت لائبریری دے مختلف حصیں تے خصوصی لوکاں سنگے قائم گوشہ نور دا دورہ کیتا جتھاں انہاں اتھاں موجود خصوصی لوکاں نال ملاقات وی کیتی ۔صدر انہاں کوں مطالعے سانگے ہر ممکن سہولتاں دی فراہمی دا یقین ڈوایا ۔صدر آکھیا جو مطالعہ کہیں وی قوم دی ترقی سانگے بہوں ضروری اے ۔