صدر مملکت ڈاکٹر عارف علوی دی کراچی اچ چینی قونصل خانہ تے دہشت گرد حملے دی مذمت

اسلام آباد ۔ 23 نومبر (اے پی پی) صدر مملکت ڈاکٹر عارف علوی کراچی اچ چینی قونصل خانے تے دہشت گرد حملے دی ودھ ساری مذمت کیتی اے ۔جمعے کوں جاری کیتے گے ہک بیان اچ انہاں حملے اچ شہید تھیونڑ آلیں دے درجات دی بلندی سانگے دعا کیتی ۔صدر سیکورٹٰی اداریں دی بہادری تے شجاعت کوں سلام پیش کریندے ہوئیں آکھیا جو ایجھیاں مذموم کوششاں پاک چین دوستی کوں متاثر کائنی کر سگدیاں۔