کوئٹہ ۔ 14 نومبر (اے پی پی) صدر مملکت ڈاکٹر عارف علوی بدھ کوں اپنڑے پہلے ہک ڈینھ دے دورے تے کوئٹہ پج گن ۔ وزیر اعلیٰ بلوچستان جام کمال صوبائی وزراءاتے ارکان صوبائی اسمبلی دے نال صدر دا استقبال کیتا ۔ او اپنڑے دورے دے دوران بلوچستان دے گورنر، وزیراعلیٰ، سپیکر، صوبائی کابینہ اتے اپوزیشن دے ارکان نال ملاقاتاں کریسن ۔ صدر مملکت، ڈپٹی سپیکر قومی اسمبلی قاسم سوری دی والدہ دے انتقال تے تعزیت اتے فاتحہ خوانی کریسن۔ سپیکر قومی اسمبلی اسد قیصر، گورنر سندھ عمران اسماعیل، وزیر ریلوے شیخ رشید احمد اتے وفاقی وزیر آبی وسائل فیصل واوڈا وی صدر مملکت دے نال ہن ۔
