اسلام آباد ۔ 7 نومبر (اے پی پی) عام انتخابات 2018ءسانگے بنڑائی گئی پارلیمانی کمیٹی دے پہلے اجلاس اچ وفاقی وزیر دفاع پرویز خٹک کوںمتفقہ طورتے کمیٹی دا چیئرمین چنڑ گھدا گئے۔ پارلیمانی کمیٹی دا اجلاس پارلیمنٹ ہاﺅس اچ تھئے جیندے اچ کمیٹی دا چیئرمین چنڑیا گئے۔پیپلز پارٹی دے سینئر رکن نوید قمرچیئرمین کیتے پرویز خٹک دا ناں تجویز کیتے جیندے تے کہیں اعتراض نئیں کیتا اتے او بلا مقابلہ چیئرمین بنڑ گین۔اجلاس اچ اپوزیشن ارکان آکھیا جو کمیٹی اچ دھاندلی دی تحقیقات دا لفظ وی پاتا ونجے بھل حکومتی اراکین آکھیا جو قومی اسمبلی دی قرارداد پاروں بنڑائی گئی کمیٹی دا نان تبدیل نئیں تھی سگدا۔گالھ مہاڑ دے بعد فیصلہ تھئے جو کمیٹی کہیں ابہام توں بغیر اگو تے ودھ تے کم کرےسی تاں جو اے جھیڑا تیکھے مکایا ونج سگے۔
