قومی سیرت کانفرنس دے انتظامات دے حوالے نال وفاقی مذہبی امور پیر نورالحق قادری دی زیر صدارت جائزہ اجلاس

اسلام آباد ۔ 13 نومبر (اے پی پی) قومی سیرت کانفرنس دے انتظامات دے حوالے نال جائزہ اجلاس منگل کوں وزارت مذہبی امور اچ تھیا ۔ اجلاس دی صدارت وفاقی مذہبی امور پیر نورالحق قادری کیتی ۔ اجلاس اچ سیکرٹری مذہبی امور میاں محمد مشتاق اتے وزارت مذہبی امور دے بئے اعلیٰ افسراں شرکت کیتی۔ وزیر مذہبی امورکوں قومی سیرت کانفرس دے حوالے نال ہنڑ تئیں کیتے ونجنڑ آلے انتظامات بارے ڈسایا گیا ۔ ایں موقع تے ڈسایا گیا جو قومی سیرت کانفرنس 20 اتے 21 نومبر کوں کنونشن سنٹر اسلام آباد اچ منعقد تھیسی ۔ کانفرنس دے ڈو سیشن ہوسن ہک ڈینھ صدر مملکت ڈاکٹر عارف علوی اتے ہک ڈینھ وزیر اعظم پاکستان عمران خان مہمان خصوصی ہوسن ۔ وزیر مذہبی امور کوں ڈسایا گیا جو کانفرنس توں ملک توں جید علمائے کرام سمیت مصر، سعودی عرب اتے ایران توں وی مندوبین کو ں سڈیا گے ۔