ملاکنڈ ڈویژن تے وزیرستان دے 40 لکھ لوکاں پاکستان دے امن دی خاطر گھر چھوڑیے‘ اساکوں ماضی دیاں غلطیاں توں سبق سکھنڑاں ہوسی ، وزیر مملکت مواصلات مراد سعید

اسلام آباد ۔ 23 نومبر (اے پی پی) وزیر مملکت مواصلات مراد سعید آکھیے جو اساکوں ماضی دیاں غلطیاں توں سبق سکھ تے اے عہد کرنڑاں چاہیدے جو دہشتگردی دے ناسور کوں پاکستان توں ختم کر ڈیسوں ۔ جمعے کوں قومی اسمبلی اچ اظہار خیال کریندے ہوئیں وزیر مملکت مواصلات مراد سعید آکھیا جو دہشت گردی دی جنگ اچ ملاکنڈ ڈویژن اتے وزیرستان دے 40 لکھ لوکاں پاکستان دے امن دی خاطر گھر چھوڑیے ۔ پاکستان اچ ”را“ دیاں کاروائیاں دی وجہ توں جیرھے لوکاں دے گھر اجڑ گئن اساکوں عہد کرنڑاں چاہیدے جو دہشت گردی دے ناسور کوں پاکستان توں ختم کر ڈیسوں ۔