ہنگو۔25 نومبر(اے پی پی)وزیرمملکت داخلہ شہریارخان آفریدی آکھیے جو ملک دشمن عناصرکلایہ جیہوجے افسوسناک واقعات نال ملک اچ عدم استحکام پیدا کرنڑ دی ناکام کوشش کریندے پن ‘ ملک دشمن عناصر دیاں سازشاں دا ڈٹ تے مقابلہ کریندے ہوئیں انہاں دے ناپاک عزائم خاک اچ رلاونڑ سانگے پوری قوم ہک مٹھ تے ہک آواز اے ۔اے گال انہاں اورکزئی کلایہ دھماکے اچ جاں بحق لوکاں دے لواحقین نال تعزیت دے موقع تے صحافیاں نال گال مہاڑ کریندے پے ہن ۔وزیر مملکت داخلہ اپنڑے دورے اچ سیکٹر کمانڈر غلجو اورکزئی،اورکزئی سکاﺅٹس دے کمانڈنٹ،ڈپٹی کمشنر اتے بئے حکام دے نال سانحہ دی جاہ دا معائنہ کیتا تے کلایہ دربار اچ واقعہ دے شہداءدے لواحقین دے نال تعزیت دا اظہار کریندے ہوئیں فاتحہ خوانی وی کیتی ۔ایں موقع تے شہریار آفریدی قبائلی مشران ،عمائدین تے مشتمل نمائندہ وفد نال ملاقات کریندے ہوئیں آکھیا جو ظلم دا ڈٹ تے مقابلہ کریسوں تے شہیداں دے ڈکھ اچ برابر دے شریک ہوں ۔انہاں واقعے دے شہیداں سانگے امدادی پیکج دے تحت فی کس10،10لکھ،ودھ سارے زخمیاں کوں فی کس5,5لکھ جڈاں جو نارمل زخمیاں سانگے فی کس ہک ہک لکھ روپے امدادی پیکیج دا یقین ڈوایا ۔
