اسلام آباد ۔ 21 نومبر (اے پی پی) سپیکر قومی اسمبلی اسدقیصر اتے ڈپٹی سپیکر قاسم خان سوری آکھیے جو نبی ﷺ پوری کائنات سانگے مشعل راہ اتے باعث رحمت ہن، نبی ﷺ دی سنت تے عمل کرتے اساں اپنڑیاں ساریاں مشکلاں توں نجات حاصل کر سگدوں ۔عید میلاالنبی ﷺ دی مناسبت نال اپنڑے پیغام اچ انہاں آکھیا جو نبی ﷺ دا اسوہ حسنہ عدل وانصاف،سچائی بقائے باہمی،انسانیت نال ہمدردی،صبر وبرداشت تے امن ومحبت دی بہتر ین مثال اے۔ انہاں آکھیا جو آپ ﷺ دی سنت تے تعلیمات تے عمل کرتے دنیا اچ حقیقی امن قائم کیتا ونج سگدے ۔انہاں آکھیا ۔نبیﷺ دی آمد ساری کائنات سانگے باعث رحمت اے تے آپ ﷺ دی سیرت انسانیت سانگے رشد وہدایت دا سر چشمہ اے ، انہاں آکھیا آپ ﷺ اپنڑے او صاف کاملہ اتے اعلیٰ کردار دے ذریعے لوکاں دے دل تے ذہن تے ہک انقلاب بر پا کر تے انسانیت کوں جہالت دی اتھاہ تاریکیاں اتے شرک دے اندھاریں اچوں کڈھیا تے انسانیت دے اعلیٰ درجیں تے فائز کیتا، نبی ﷺدا امتی ہوونڑ اساں کیتے اللہ تعالی دا احسان عظیم اے ،نبی ﷺ دی حیات طیبہ مینار نور اے تے زندگی دے ہر شعبے اچ انسانیت سانگے مشعل راہ ہے اتے قیامت تئیں آندے انساناں دی رہنمائی کریندی رہ ویسی ۔
