نظریات دی لڑائی بندوق نال نی دلیل نال لڑی ویندی ہے ، المیہ ایہ ہے جوانتشاوراتے بدامنی کھنداونڑ آلے دلیل توں عاری ہن،پاکستان اچ سیاسی نی بلکہ فکری بحران ہے،علم وآگہی نال پرامن اتے ترقی یافتہ معاشرے بنڑدن، مذہبی قیادت ملک کوں حقیقی فلاحی ریاست بناونڑ سانگے اساڈے مونڈھا نال مونڈھا رلا تے چلے، مذہبی تے دینی قیادت اتے سول سوسائٹی کوں نظریاتی جنگ دی اونر شپ گھنڑ پوسی،اساڈا ایمان ہے ،جینکوں سرور کونین محمد مصطفی نال عشق کائنی ا وہ مومن وی کائنی‘ عمران خان سچے عاشق رسولہن‘ جنہاں کڈاہیں وی مدینہ دی مبارک سرزمین تے جوتی پا تے قدم نی رکھیا، وزیر اعظم مدرسیاں اچ پڑھن آلے بالاں سانگے وی آواز چاتی، پاکستان اچ سرکاری سطح تے پہلی واری ربیع الاول منایاویندا پئے وفاقی وزیر اطلاعات تے نشریات چوہدری فواد حسن دا سیمینار نال خطاب

لاہور۔11 نومبر(اے پی پی ) نظریات دی لڑائی بندوق نال نی دلیل نال لڑی ویندی ہے ، المیہ ایہ ہے جوانتشاوراتے بدامنی کھنداونڑآلے دلیل توں عاری ہن،پاکستان اچ سیاسی نی بلکہ فکری بحران ہے،علم وآگہی نال پرامن اتے ترقی یافتہ معاشرے بنڑدن، مذہبی قیادت ملک کوں حقیقی فلاحی ریاست بناونڑ سانگے اساڈے مونڈھا نال مونڈھا رلا تے چلے، مذہبی تے دینی قیادت اتے سول سوسائٹی کوں نظریاتی جنگ دی اونر شپ گھنڑ پوسی،اساڈا ایمان ہے ،جینکوں سرور کونین محمد مصطفی نال عشق کائنی ا وہ مومن وی کائنی‘ عمران خان سچے عاشق رسولہن‘ جنہاں کڈاہیں وی مدینہ دی مبارک سرزمین تے جوتی پا تے قدم نی رکھیا، وزیر اعظم مدرسیاں اچ پڑھن آلے بالاں سانگے وی آواز چاتی، پاکستان اچ سرکاری سطح تے پہلی واری ربیع الاول منایاویندا پئے۔ وفاقی وزیراتوار کوں پاکستان جرنلسٹ فاﺅنڈےشن دے زےر اہتمام لہور اچ ہک مقامی ہوٹل اچ ” عدم برداشت دا رجحان اتے رےاست دیاں ذمہ دارےاں“ دے عنوان نال منعقدہ ہک سیمینار نال خطاب کر یندے ہوئیں اے گالھیں کیتیاں۔وفاقی وزیر اطلاعات و نشریات فواد چوہدری آکھیا جو کجھ طبقے دلی دی بجائے بندوق دے زور تے اپنڑیں رائے مسلط کرنڑ کوں اپنڑاںوطیرہ بنڑاگھدے ،جیرھا آکھدے ہن پاکستان کوں بند کر ڈیسوں کیونجو اوہ مذہب دے ناں تے سیاست کر یندن ۔ انہاں آکھیے جو سوویت یونین دا افغانستان تے قبضہ ہو ئے یا نائن الیون دا واقعہ‘ ایندا تعلق پاکستان نال جوڑن دی کوشش کیتی ویندی ہے جڈاں جو امریکہ پاکستان کنوں پچھ تے افغانستان تے حملہ کائنی کیتا ہا لیکن ایندے اثرات اساکوں برداشت کرنڑ پوندن۔انہاں آکھیے جو غیر روایتی جنگ اچ اساڈی فکری سوچ گھٹ گی ہے جینکوں مذہبی طبقیاں دے تعاون نال دلیل دے ذریعے حل کرنڑ دی ضرورت ہے۔ انہاں آکھیا جواولیا اتے صوفیا کرام دے دربارعزت تے احترام دے حامل ہوندن، وڈے وڈے مغل بادشاہ صوفیائے کرام دے درباراں تے اکھیں جھکیاںکر تے لنگھدے ہن جڈاں جو داتا دربار،ؒ‘ بابا فرید گنج شکر، ؒ‘امام بری‘ؒ سخی سرورؒ دے مزاراں تے خود کش دھماکے کیتے گئے۔انہاں آکھیے جو سپریم کورٹ دے فیصلے کوں کہیں بندے غور نال نی پڑھیا جو ایندے اچ اصل گالھ کیا ہے جیرھا جو ہک فکری المیہ ہے ۔انہاں آکھیے جو اساں تشدد دا رستہ اختےار نی کیتا۔انہاں آکھیا جو ریاست جڈاں تئیں برابری دا ماحول کائناں ڈیسی تا ں ایہ مسئلہ حل نی تھی سگدا ۔انہاں آکھیے جو ملکی تریخ اچ پہلی رحمتہ اللعالمین کانفرنس سرکاری سطح تے 11 اتے 12 ربیع الاﺅل کوں منائی ویندی پی ہے جیندا افتتاح وزیر اعظم عمران خان کریسن۔کانفرنس اچ ساری دنیا توںعلمائے کرام اتے مفتی شرکت کریسن۔ ایں موقع تے پاکستان جرنلسٹ فاونڈےشن دے چئےر مےن ذوالفقار راحت ، روحانی شخصیت پیر سید کبیر علی شاہ گیلانی،ڈاکٹر صضری صدف، شاہدقادر،سجاد میر،ضیاءشاہد،علی احمد ڈھلوں،قیوم نظامی،سابق سفیر خالد شفیق،ڈاکٹر راغب نعیمی،چوہدری جاوید الہی،فرخ سہےل گوئندی،جنرل (ر) غلام مصطفی اتے بئے بندیاں وی خطاب کیتا۔