وزیراعظم عمران خان (اج )لہور اچ کھلے آسمان تلے رات گزارن آلیاں سانگے پناہ گاہ بنڑاونڑ دے منصوبے دا سنگ بنیاد رکھیسن

اسلام آباد ۔10 نومبر(اے پی پی)وزیراعظم عمران خان (اج) لہور اچ کھلے آسمان تلے رات گزارن آلیاں سانگے پناہ گاہ دے قیام دے منصوبے دا سنگ بنیاد رکھیسن۔ وزیراعظم آفس دے میڈیا ونگ ولوں جاری بیان مطابق لہور شہر دیاں مختلف جئیں تے وڈی تعداد اچ لوک کھلے آسمان تلے فٹ پاتھاں اتے بی جئیں تے سم تے رات گزریندن، ایجھا لوکیں دی تعداد بارے مختلف اندازے اتے تخمینے لاتے گن۔ کھلے آسمان تلے رات گزارن آلے ایجھا لوک داتا دربار اتے ریلوے اسٹیشن دے نیڑے دے علاقیاں، اچھرہ اتے چوبرجی دے نیڑے ڈ ٹھا ونج جا سگدن۔ایجھالوکیں دی اکثریت کوں بنیادی سہولتاں مثلاً صاف ستھرا ہونڑ، کپڑے دھونڑ،محفوظ رات گزارن اتے ابتدائی طبی امداد سانگے محفوظ جاءدی ضرورت ہوندی ہے۔جیرھی پناہ گاہ دا سنگ بنیاد وزیراعظم لہور اچ رکھیسن ایندا مقصد ایجھا لوکیں دی عزت نفس دی بحالی، ضرورت مند لوکیں دی ضرورت پوری کرنڑ،محفوظ جائیں بنراونڑ،انہاں کوں لاحق خطرات گھٹ کرنڑ،شہریاں اتے ریاست دی سماجی ذمہ داری دا دائرہ ودھاونڑ ہے۔ پناہ گاہ دی عمارت اچ جاءداٹھیک استعمال یقینی بنڑایا ویسی،جتھاں ساریاں سہولتاں ملسن۔سادگی اتے چنگی کارکردگی کو ںیقینی بناونڑ سانگے جدید اتے بنیادی ڈیزائن دا استعمال کیتا ویسی۔