وزیراعظم عمران خان دا ایس پی طاہر خان داوڑ دے قتل تے ودھ سارے ڈکھ دا اظہار ، خیبر پختونخوا حکومت کوں اسلام آباد پولیس دے نال رل تے انکوائری دا حکم ، وزیر مملکت داخلہ کوں رپورٹ پیش کرنڑ دی ہدایت

اسلام آباد ۔ 15 نومبر (اے پی پی) وزیراعظم عمران خان ایس پی طاہر خان داوڑ دے قتل دے المناک واقعے تے ودھ سارے ڈکھ دا اظہار کریندے ہوئیں خیبر پختونخوا حکومت کو ں وختی اسلام آباد پولیس دے نال رل تے انکوائری دا حکم ڈتے۔خمیس کوں اپنڑے ہک ٹویٹ اچ وزیراعظم عمران خان وزیر مملکت داخلہ شہریار آفریدی کوں ایں معاملے دی نگرانی کرنڑتے انہاں کوں رپورٹ پیش کرنڑ دی ہدایت کیتی اے ۔