وزیراعظم عمران خان دا چائنہ انٹرنیشنل امپورٹ ایکسپو دی افتتاحی تقریب توں خطاب

سی پیک پاکستان اتے چین دے نال نال مشرق وسطیٰ اتے وسطی ایشیا دے ملکاں اچ اقتصادی رابطے ودھنڑ دا وڈا ذریعہ بنڑسی،پاکستان کھیڈاں دے سامان،طبی آلات،آئی ٹی مصنوعات دا وڈا برآمد کنندہ،غیر ملکی سرمایہ کاراں سانگے پرکشش ملک اے،وزیراعظم عمران خان دا چائنہ انٹرنیشنل امپورٹ ایکسپو دی افتتاحی تقریب توں خطاب
اسلام آباد ۔ 5 نومبر (اے پی پی) وزیراعظم عمران خان آکھیا جو سی پیک پاکستان اتے چین دے نال نال مشرق وسطیٰ اتے وسطی ایشیا دے ملکاں اچ اقتصادی رابطے ودھنڑ دا وڈا ذریعہ بنڑسی،پاکستان کھیڈاں دے سامان،طبی آلات،آئی ٹی مصنوعات دا وڈا برآمد کنندہ،غیر ملکی سرمایہ کاراں سانگے پرکشش ملک اے۔سنوار کوں شنگھائی دے نیشنل ایگزیبیشن اینڈ کنونشن سینٹر اچ چائنہ انٹرنیشنل امپورٹ ایکسپو (سی آئی آئی ای) دی افتتاحی تقریب توں خطاب کریندیں ہوئیں وزیراعظم آکھیاجو پاکستان کھیڈاں دے سامان،طبی آلات،آئی ٹی مصنوعات دا وڈا برآمد کنندہ ملک اے۔انہاں آکھیاجو پاکستان اچ معدنیات اتے متبادل ذرائع نال توانائی بنڑاونڑ دے وسائل دی فراوانی اے جئیں پاروں پاکستان ساریاں توں ودھ متنوع ملک اے۔وزیراعظم ’ چینی صدر شی جن پنگ دے وژن دی تعریف کیتی جئیں اچ انہاں آکھیا جو ایجھے ویلھے جڈاںہر ملک اقتصادی حوالہ نال اپنڑے تحفظ سانگے اقدامات کریندے پئے چین دے دروازے ڈوجھیاں سانگے یکاکھلیے رہسن۔ وزیراعظم ’ شنگھائی ایکسپو اچ شرکت اتے پرتپاک استقبال تے چین دا شکریہ ادا کیتا۔ایں توں پہلے چین دے صدر شی جن پنگ ’ ایکسپو دی افتتاحی تقریب اچ وزیراعظم عمران خان اتے بئے عالمی رہنماواں دا استقبال کیتا۔