اسلام آباد ۔ 15 نومبر (اے پی پی) وزیراعظم عمران خان دی آنحضور دی حیات طیبہ اتے اسوہ حسنہ تے حقیقی تحقیق اتے انہاں دی سیرت کوں مﺅثر انداز اچ اجاگر کرنڑ سانگے ملک دی ترائے وڈی جامعات اچ سیرت چیئر بنڑاونڑ سانگے پلان بنڑاونڑ دی ہدایت کیتی اے۔انہاں اے ہدایت چیئرمین ہائر ایجوکیشن کمیشن طارق بنوری کوں خمیس کوں وزیراعظم آفس اچ ملاقات اچ ڈتی ۔وزیراعظم آکھیا جوسیرت چیئر بنڑاونڑ دا مقصد آنحضور دی حیات طیبہ اتے اسوہ حسنہ تے جینوئن ریسرچ اتے انہاں دی سیرت کوں اجاگر کرنڑ اے،، آنحضور دی ہمہ گیر تے جامع الصفات ذات مبارکہ تے جینوئن تحقیق تے مبنی علم نال نہ صرف انفرادی زندگیاں اچ رہنمائی ملسی جڈانجو اسلام دے خلاف منفی پروپیگنڈے دا مقابلہ کرنڑ اچ مدد ملسی۔انہاں آکھیا جو آنحضور نال محبت ہر مسلمان دے ایمان دا حصہ اے۔ چیئرمین ایچ ای سی ’ وزیراعظم کوں وزیراعظم ہاوس اچ یونیورسٹی بنڑاونڑ دے منصوبہ تے ہنڑ تئیں دی پیشرفت بارے وی ڈسایا۔
