اسلام آباد ۔ 7 نومبر (اے پی پی)وزیراعظم عمران خان آکھیے جو پی ٹی آئی حکومت مالی امداد دے نال نال لوکاں کوں روزگار ڈے تے غربت مکاونڑ دا مستقل حل چاہندی اے،صحت ، تعلیم، خوراک، ماحولیات اتے بئے شعبیاں تے پوری توجہ اے۔ اے گالھ انہاں اسلام آباد اچ غربت مکاونڑ اتے ایں سانگے اصلاحات بارے اجلاس دی سدارت کریندے ہوئیں کیتی۔ اجلاس اچ وزیر خزانہ اسد عمر ، وزیر منصوبہ بندی و ترقی مخدوم خسرو بختیار، مشیر برائے اسٹیبلشمنٹ محمد شہزاد ارباب، چیئرپرسن بے نظیر انکم سپورٹ پروگرام ڈاکٹر ثانیہ نشتر، ایم ڈی بیت المال عون عباس بپی، این آر ایس پی دے سی ای او ڈاکٹر راشد باجوہ، سی ای او پاکستان پاورٹی ایلیوی ایشن فنڈ قاضی عصمت عیسیٰ، سی ای او پاکستان مائیکرو انوسٹمنٹ کمپنی یاسر اشفاق اتے بئے حکام موجود ہن۔اجلاس اچ غربت مکاونڑ اتے بئے متعلقہ اقدامات اتے اصلاحات بارے وزیراعظم کوں بریفنگ ڈتی گئی اتے ایندے کیتے جامع حکمت عملی تے غورکیتا گیا۔ شرکاءکوں فنی تعلیم ، روزگارودھاونڑ،مالی امدادتئیں رسائی،سستی رہائش ،سماجی تحفظ اتے صحت انصاف کارڈکےبارے وی تفصیلی بریفنگ ڈتی گئی۔ وزیراعظم ہدایت کیتی جو اسٹنٹڈ گروتھ دے حل کیتے صحت، تعلیم، خوراک، ماحولیات اتے بئے شعبیاں اچ ہم آہنگی دی لوڑھ اے،غربت مکاونڑ کیتے نچلی سطح تے لوکل گورنمنٹ دے نظام کوں استعمال کیتا ونجے تاں جو ضرورت منداں تئیں پج سگوں۔
