وزیراعظم عمران خان دے زیر صدارت قومی سلامتی کمیٹی دا اجلاس،ملکی سلامتی دی صورتحال دا جائزہ،وزیراعظم دورہ چین دی تفصیل ڈسائی

اسلام آباد ۔ 6 نومبر (اے پی پی) قومی سلامتی کمیٹی آکھیے جو پاکستان دی ترقی و خوشحالی امن، استحکام اتے قانون دی حکمرانی نال جڑی اے۔وزیراعظم عمران خان دی صدارت اچ تھیونڑ آلے قومی سلامتی کمیٹی اجلاس اچ ملک دی مجموعی امن و امان اتے سلامتی دی صورتحال دا جائزہ گھدا گیا جڈاں جووزیراعظم عمران خان اجلاس دے شرکا کوں چین دے حالیہ دورے بارے تفصیل ڈسائی۔اجلاس اچ وزیر خارجہ شاہ محمود قریشی، وزیر دفاع پرویز خٹک، وزیر خزانہ اسد عمر، وزیر اطلاعات چوہدری فواد حسین، وزیر مملکت برائے داخلہ شہریار خان آفریدی، چیئرمین جوائنٹ چیفس آف سٹاف کمیٹی جنرل زبیر محمود حیات، چیف آف آرمی سٹاف جنرل قمر جاوید باجوہ اتے سینئر حکام شرکت کیتی۔