وزیراعظم عمران خان دے ملائیشیا دے دورے نال ڈوہیں ملکاں دے تعلقات ولا استوار کرنڑ اچ مدد مل ویسی ،شاہ محمود قریشی

کوالالمپور ۔ 21 نومبر (اے پی پی) وزیر خارجہ شاہ محمود قریشی آکھیا جو وزیراعظم عمران خان دے ملائیشیا دے دورے نال ڈوہیں ملکاں دے تعلقات کوں ولا استوار کرنڑ اچ مدد مل ویسی ۔کوالالمپور اچ میڈیا نال گال مہاڑ کریندے ہوئیں وزیر خارجہ آکھیا جو وزیراعظم دے ملائیشیا دے دورے اچ ڈوہیں ملکاں اچ تعاون اچ ودھارے دے نویں موقع دی نشاندہی کیتی گی اے تے معیشت دے مختلف شعبیں اچ ہک ڈوجھے دے تجربیں توں سکھنڑ تے اتفاق کیتا گے ۔انہاں آکھیا جو پاکستان اتے ملائیشیا اچ وفداں دی سطح تے ملاقات اچ نشاندہی کیتے گے شعبیں نال ڈو پاسے سرمایہ کاری اچ ودھارا تھیسی ۔