کرتار پور، نارووال ۔ 28 نومبر (اے پی پی) وزیراعظم عمران خان بدھ کوں کرتار پور راہداری دا سنگ بنیاد رکھ ڈتا۔ چیف آف آرمی سٹاف جنرل قمر جاوید باجوہ، گورنر پنجاب چوہدری محمد سرور، وزیراعلیٰ پنجاب سردار عثمان بزدار، وفاقی و صوبائی وزرائ، صوبائی وزرائ، بھارتی پنجاب دے صوبائی وزیر اتے سابق کرکٹر نجوت سنگھ سدھو، بھارتی وزیر ہرسمرت کور بادل، سکھ برادری دے ارکان اعلیٰ حکام وی ایں موقع تے موجود ہن۔ اے راہداری کرتارپور نارووال اچ گردوارہ دربار صاحب کو ںبھارت دے ضلع گورداسپور اچ ڈیرہ بابا نانک نال رلیسی ۔ پہلے مرحلے اچ گردوارہ کمپلیکس دی تعمیر کیتی ویسی جڈاں جو بارڈر ٹرمینل دی تعمیر وی ایں منصوبے دا حصہ اے ۔ دریائے راوی پل دی تعمیر اتے سڑک دے ذریعے محفوظ رسائی وی کیتی ویسی۔تقریب اچ بانی پاکستان قائداعظم محمد علی جناح دا اقلیتاں متعلق بیان وی پڑھ تے سنڑایا گیا۔
