اسلام آباد۔ 16 نومبر (اے پی پی) وزیرا عظم عمران خان اپنڑی حکومت دے سو ڈینہہ پورے تھیونڑ تے تعلیم، صحت دے ودھارے، غربت مکاونڑ سودھے کئی شعبیاں اچ جامع پروگرام قوم دے اگو رکھنڑ داعلان کریندے ہوئے آکھیے جو ملک اچ بہوں اوکھے حالات دے باوجودآندے کجھ مہینے اچ واضح تبدیلی نظر آسی، معیشت دی پائیدار ترقی کیتے برآمدات اچ ودھارا، سرمایہ کاری اتے غیر ملکی ترسیلات وداھاونڑ اتے منی لانڈرنگ تے قابو پاونڑاہوسی۔ اے گالھ انہاں اسلام آباد اچ کالم نویساں نال گالھ مہاڑ کریندے آکھی جیندے اچ انہاں اہم ملکی امور اتے حکومتی پالیسیاں تے الوایا۔وزیراعظم آکھیا جو سو ڈینہہ پورے تھیونڑ تے حکومت دا ہک مفصل اتے جامع پروگرام قوم کوں ڈتا ویسی جیندے نال پتہ لگسی جو حکومت دی اگو تے کیا منصوبہ بندی اے۔ انہاں آکھیا جو پہلے ملک جمہوریت دی بجائے “کلپٹو کریسی” دا رواج رہے،اقتدار کوں ذاتی مفاد کیتے استعمال کتیا گئے،حکمران اشرافیہ دولت منی لانڈرنگ دے ذریعے بیرون ممالک بھیج ڈیندی اے،ملکی وسائل دا پتا ہی نئیں لگ سگیا،تیل اتے گیس دے شعبہ اچ صرف چھی فیصد ہی استعمال تھی سگیے،نویں ذخائر تے توجہ نئیں ڈتی گئی،ملکی اداریاں کوں جانڑ بجھ تے کمزور کیتا گئے تاں جو میرٹ، چوری اتے وائٹ کالر کرائم دا کوئی نہ پچھے۔وزیراعظم آکھیے جو ساڈی جنگ ڈیموکریٹس نال نئیں ملک تباہ کرنڑ آلیاں دے خلاف اے،جمہویرت توں بغیر ملک ترقی نئیں کر سگدا۔عام انتخابات دی شفافیت بارے وزیرِ اعظم آکھیا جو پی ٹی آئی 55 نشستاں تے صرف ترائے چار ہزار دے فرق توں ہری اے،اپوزیشن دا مقصد انتخابات دی شفافیت دا پتا لاونڑ نئیں کوئی بئی گالھ ہئی،کجھ لوک جانڑدن جڈاں حقیقت سامنڑے ا ٓسی تاں انہاں دا مستقبل کیا تھیسی، مولانا فضل الرحمن اتے ایبجھے بئے سیاستدان سمجھدن جو ہنڑ انہاں دا صفایا تھیونڑ آلا اے تہوں شور مچائی ودن۔ انہاں آکھیے جو مالیاتی اتے کرنڑ اکاو¿نٹ خسارے نال نمٹنڑ کیتے دوست ملکاں نال رابطے دا فیصلہ کیتے جیہڑا درست ثابت تھئے اتے وقتی طور تے ایں مسلے تے قابوپا گھدے۔انہاں حوالہ ہنڈی، منی لانڈرنگ،بیرون ملک مقیم پاکستانیاں کوں سہولتاں،سرمایہ کاری اتے ٹیکنالوجی دے تبادلے کیتے حکومتی اقدامات بارے وی ڈسایاجو معلومات کیتے سوئٹزرلینڈ، برطانیہ اتے امریکہ نال معاہدہ تھئے، دبئی توں معلومات آئین، اداریاں دے نقصاناں اتے مالی بحران تے قابو پیسوں، ایف آئی اے اچ اصلاحات جاری ہین۔ ہک سوال دے جواب اچ وزیراعظم آکھیا جو نیب کوں موجود ہ استعداد اتے ہیومن ریسورس دی بنیاد تے کیسز تیزی نال نمٹاونڑے ہوسن،ملک اچ ایں ویلھے افراتفری یا پریشانی دی کوئی صورتحال کائنی۔وزیراعظم دا آکھنڑ ہا جو لیڈر حالات و واقعات ڈیکھ تے اپنڑی پالیسی بدلدےقوماں وسائل نئیں احساس نال بدلدن، اوکھے حالات تے باوجود کجھ مہینے اچ تبدیلی ڈسنڑ پئے ویسی۔
