اسلام آباد ۔ 7 نومبر (اے پی پی) وزیرِ اعظم عمران خان متروکہ وقف املاک بورڈاچ بے قاعدگیاں اتے مالی بدانتظامی دا چنتا کریندے ہوئیں بورڈ دا فرانزک آڈٹ دے حکم ڈتے اتے سیکرٹری مذہبی امورکوںہدایت کیتی اے جو آندے وفاقی کابینہ اجلاس اچ متروکہ وقف املاک بورڈ دے معاملات پیش کیتے ونجن۔اے ہدایات انہاں اسلام آباد اچ متروکہ وقف املاک بورڈ اجلاس دی صدارت کریندے ہوئیں ڈتن۔ اجلاس اچ وزیراعظم کوں متروکہ وقف املاک بورڈ دے معاملیاں بارے تفصیلی بریفنگ ڈتی گئی ۔اجلاس اچ وزیر برائے مذہبی امور نورالحق قادری، سیکرٹری مذہبی امور محمد مشتاق احمد، سیکرٹری متروکہ وقف املاک بورڈ محمد طارق اتے سینئر افسران شرکت کیتی۔اجلاس فیصلہ کیتے جو متروکہ وقف املاک بورڈدی تنظیم نو اتے مستقبل اچ متروکہ املاک دےے بہترین انتظام اتے ایندے اثاثیاں دے چنگے استعمال کیتے ہک خصوصی ٹاسک فورس بنڑائی ویسی۔
