بیجنگ۔04 نومبر(اے پی پی)پاکستان اتے چین دی ہر طرح دے حالات اچ جاری سٹریٹجک تعاون تے سانجھے داری دے استحکام نال پاکستان اتے چین دی عوام کوں بئیا نیڑے گھن آونڑ اتے ترقی دے نویں دور اچ داخل تھیونڑ سانگے مشترکہ منصوبہ سازی اچ مدد ملسی۔ چین دے وزیر اعظم لی کیانگ دی دعوت تے وزیر اعظم عمران خان 2توں5نومبر 2018ءکو ںچین دا دورہ کریندے پئن،دورے اچ وزیراعظم عمران خان چین دے صدر شی جن پنگ ، وزیر اعظم لی کیانگ ، نیشنل پیپلز کانگریس دی قائمہ کمیٹی دے چیئر مین لی ڑن شو اتے چین دے نائب صدر وانگ کی شان نال ملاقاتاں کیتی۔ملاقاتاں اچ روایتی گرم جوشی ،آپسی اعتماد دا مظاہرہ کیتا گیا تے ڈوہیں ملکاں دی قیادت آپسی دلچسپی دے ڈو پاسہ امور،علاقائی اتے عالمی مسئلیاں تے تفصیلی گالھ مہاڑ کیتی ۔وزیراعظم عمران خان سی پی سی سنٹرل کمیٹی دے سکول دی ہک تقریب نال وی خطاب کیتا،بیجنگ دے نال نال وزیراعظم شنگھائی دا دورہ وی کیتا جتھاں انہاں پہلی چائنہ انٹرنیشنل امپورٹ ایکسپو اچ شرکت کیتی۔ پاک چین تاریخی تعلقات دی ترقی تے اطمینان کریندیں ہوئیں انہاں بئی وسعت اتے استحکام داجائزہ وی گھدا ویسی۔دورہ اچ فریقین پاک چین دوستی کوں ہر حال اچ قائم رکھنڑ،مقامی،علاقائی اتے بین الاقوامی تبدیلیاں دے باوجود یکا مستحکم رکھنڑ دا عزم کیتا۔
