وزیر اعظم عمران خان دا دورہ چین ڈوہاں ملکاں وچال مجموعی اقتصادی تعلقات ، رابطہ کاری کوں نویں راہ ڈکھاونر دی منزل ثابت تھیسی، وزارت خزانہ

اسلام آباد ۔ 6 نومبر (اے پی پی) وزارت خزانہ وزیراعظم دے دورہ چین کوں کامیاب قرار ڈیندے ڈوہاں ملکاں وچال مختلف معاہدیاں تے اطمینان کیتے اتے آکھیے جو ایندے نال ڈوہاں ملکاں وچال مجموعی اقتصادی تعلقات اچے کرنڑ اچ مدد ملسی، باہمی تعاون دے موقعیاں دی نشاندہی کیتی گئی اے اتے کئی فیدہ مند معاہدے وی تھین جنہاں اچ سماجی اقتصادی ترقی، غربت گھٹاونڑ، زراعت، اقتصادی و ٹیکنیکل تعاون فارسٹری، ارتھ سائنس، ہائیر ایجوکیشن اتے ٹیکنالوجی شامل ہین۔وزارت خزانہ دے مطابق پاکستان اتے چین اطمینان کیتے جو سی پیک دا پہلا مرحلہ جیہڑا انفراسٹرکچر اتے انرجی سیکٹر دی بہتری دا ہے او تقریباً مکمل تھی چکیے، اتے ڈوہاں ملکاں سی پیک دے اگلے مرحلے اچ صنعتی توسیع، زراعت دی بحالی اتے تجارتی استحکام تے توجہ ڈیونڑ دا فیصلہ کیتے جیندے نال برآمدات اچ ودھارا تھیسی اتے روزگاردے مواقع نکلسن۔دورے اچ پاکستانی برآمدات کیتے مارکیٹ تئیں فوری رسائی اتے ادائیگیاں اچ توازن تے وی گالھ مہاڑ کیتی گئی اے، چینی قیادت ہر شعبے اچ ہتھ ونڈاونڑ دا یقین ڈیوائے اتے بئے معاملیاں تے گالھ مہاڑ جاری رکھنڑ کیتے ٹاسک فورس بنڑائی اے، ایں سانگے خزانہ، خارجہ امور، پلاننگ ترقی اتے تجارت دے وفاقی سیکرٹریز اتے گورنر سٹیٹ بنک تے مشتمل سینئر سطح دا وفدایں ہفتے چین دا دورہ کریسی۔