اسلام آباد۔ 25 نومبر (اے پی پی) وزیر خارجہ شاہ محمود قریشی کرتارپور کوریڈور کھولنڑ دی افتتاحی تقریب اچ ڈو وزیراں کوں بھیجنڑ دے بھارتی حکومت دے فیصلے دا خیر مقدم کریندے ہوئیں اینکوں پاکستانی اقدام دے جواب اچ مثبت ردل عمل قرار ڈتے ۔ وزیر خارجہ شاہ محمود قریشی اتوار کوں اتھاں وزارت امور خارجہ اچ پاکستان فارن آفس وویمنز ایسوسی ایشن دے چیریٹی بازاردے دورے دے موقع تے ”اے پی پی“ نال خصوصی گال مہاڑ کریندے ہوئیں آکھیے جو سکھ کمیونٹی کوں نیڑے گھن آونڑ سانگے پاکستانی اقدام دا بھارت چنگاں جواب ڈتے ۔ واضح رہے جو بھارتی وزیر خارجہ سشما سوراج وزیر خارجہ شاہ محمود قریشی دے مکتوب دے جواب اچ 28 نومبر کوں کرتار پور کوریڈور دی افتتاحی تقریب اچ ڈو بھارتی وزیراں کوں ہرسمرت کور بادل اتے ہردیپ سنگھ پوری کو ں بھیجنڑ دی تصدیق کیتی اے ۔
