اسلام آباد ۔ 29 نومبر (اے پی پی) پاکستان اتے روس ڈو طرفہ تعلقات کوں کثیرالجہتی سٹرٹیجک شراکت داری اچ بدلنڑ تے اتفاق کیتے۔ ترجمان دفتر خارجہ دے مطابق وزیر خارجہ شاہ محمود قریشی اتے پاکستان اچ روس دے سفیر الیکسی وائی دیدوف ہک ملاقات اچ ڈوطرفہ تعلقات اچ مثبت پیشرفت دی تعریف کریندے ہوئے ڈو طرفہ دوستانہ تعلقات کوں اعلیٰ سطح سٹرٹیجک پارٹنرشپ اچ بدلنڑ تے اتفاق کیتے،اتے ڈوہاں رہنماواںتوانائی،تجارت، سرمایہ کاری، امن و سلامتی، توانائی اتے دفاعی تعاون سودھے کئی شعبیاں اچ معاملیاں تے الوایا گئے۔ وزیر خارجہ افغان تنازعہ دے سیاسی حل کیتے روس دے کردار دی تعریف کیتی اتے اتفاق کیتے جو افغانستان اچ امن و استحکام ہر کہیں دے چنگے مفاد اچ اے۔ روسی سفیر باہمی دلچسپی دے شعبیاں اچ ڈوطرفہ تعلقات اچ ودھارے پاروں روس ولوں تعاون دا یقین ڈیوایا۔
