وزیر خارجہ شاہ محمود قریشی نال متحدہ عرب امارات دے ہم منصب شیخ عبداللہ بن زید النہیان سربنیاس فورم دے موقع تے ملاقات

اسلام آباد ۔ 17 نومبر (اے پی پی)وزیر خارجہ شاہ محمود قریشی نال متحدہ عرب امارات دے ہم منصب شیخ عبداللہ بن زید النہیان سربنیاس فورم دے موقع تے ملاقات کیتی اے ۔ترجمان دفتر خارجہ دے مطابق ملاقات اچ دو طرفہ دلچسپی، علاقائی مسائل اتے ڈوہیں ملکاں دے تعلقات تے الوایا گیا۔وزیر خارجہ شاہ محمود قریشی متحدہ عرب دی وزارت خارجہ ولوں 9 ویں سربنیاس فورم اچ شرکت کیتے دبئی اچ ہین،فورم اچ مختلف ملکاں دے وزرائے خارجہ شرکت کریندے پین جتھاں مشرق وسطیٰ بارے مختلف امورتے الوایا ویسی۔