اسلام آباد ۔ 12 نومبر (اے پی پی) وزیراعظم عمران خان آکھیے جو وفاقی دار الحکومت اچ لینڈ مافیا بالکل برداشت کائناں کیتا ویسی ،غریباں دیاں زمیناں تے ناجائز قبضے کرنڑ آلے تے لینڈ مافیا دے خلاف آپریشن عوام تے میڈیا کوں نال گھن تے اگی تے ودھایا ونجے جڈاں جو وزیراعظم اسلام آباد اچ لینڈ مافیا،ڈرگ ڈیلرز تے خصوصا تعلیمی اداریں اچ منشیات تے استعمال دے خلاف جاری مہم کوں مزید منظم کرنڑ تے اینکوں موثر بنڑاونڑ سانگے کورآرڈینیشن کمیٹی دے قیام دا فیصلہ کیتے ۔وزیراعظم دی صدارت اچ وفاقی دار الحکومت دے متعلقہ ایشو دے حوالے نال اعلیٰ سطح دا اجلاس سنوار کوں منعقد تھیا ۔ اجلاس اچ وزیرِ مملکت داخلہ شہریار خان آفریدی، وزیراعظم دے معاون خصوصی علی نواز اعوان، ایم این اے راجہ خرم نواز، سیکرٹری داخلہ میجر (ر) اعظم سلیمان، چیف کمشنر اسلام آباد، آئی جی پولیس تے بئے سینئر افسر شریک تھے۔ سیکرٹری داخلہ وزیرِ اعظم عمران خان کو ںوفاقی دارالحکومت دی مجموعی صورتحال، امن و امان، قبضہ مافیا دے خلاف جاری اپریشن تے بئے امور تے تفصیلی بریفنگ ڈتی ۔ وزیرِ اعظم عمران خان وزیرِ مملکت شہریار آفریدی، معاون خصوصی علی نواز اعوان اتے ایم این اے راجہ خرم نواز کو ںاسلام آباد سانگے خصوصی پیکج تیار کرنڑ دی ہدایت کیتی جڈاں جو اسلام آباد اچ لینڈ مافیا، ڈرگ ڈیلرز اتے خصوصا تعلیمی اداریں اچ منشیات دے استعمال دے خلاف جاری مہم کو ںمزید منظم کرنڑ تے اینکوں موثر بنڑاونڑ سانگے سیکرٹری داخلہ دی سربراہی اچ کوآرڈینیشن کمیٹی دے قیام دا فیصلہ کیتے تے وزیرِ اعظم دے معاون خصوصی علی نواز اعوان اتے ایم این اے راجہ خرم نواز کمیٹی دی رہنمائی دے فرائض سرانجام ڈیسن ۔ اسلام آباد پولیس دی کارکردگی کوں مزید بہتر اتے موثر بنڑاونڑ سانگے آئی جی اسلام آباد توں سفارشات طلب کر گھدن۔ وزیراعظم آکھیا جو وفاقی دارالحکومت اچ لینڈ مافیا بالکل برداشت کائناں کریساں ، بدقسمتی نال ملک اچ طبقاتی قانون دارواج ہے جتھاں بااثر لوکاں دے جرائم نال چشم پوشی جڈاں جو غریب غرباءکو ںسزا ڈتی ویندی اے انہاں آکھیا تحریک انصاف دی حکومت ایں روایت کوں بدالنڑ سانگے پر عزم اے ۔وزیرِ اعظم ہدایت کیتی جو غریباں دیاں زمیناں تے ناجائزہ قبضے کرنڑ آلیں تے لینڈ مافیا دے خلاف آپریشن عوام اتے میڈیا کو ں نال گھن تے اگی تے ودھایا ونجے ۔
