اسلام آباد ۔ 20 نومبر (اے پی پی) وفاقی دارالحکومت اسلام آباد سمیت پورے ملک اچ حضور دا یوم ولادت مذہبی جوش تے جذبے اتے عقیدت تے احترام نال (اج) بدھ کوں منایاو یسی ۔ ملک دے وڈے شہراں ، قصبے تے وستیاں اچ جشن عید میلاد النبیدے سلسلے اچ جلسے، جلوس اتے ریلیاں کڈھیاں ویسن جیں اچ حضور نبی پاک کو ںخراج عقیدت پیش کرنڑ سانگے علمائے کرام، سیرت طیبہ دے مختلف پہلوواں کوں اجاگر کریسن تے نعت خواں حضرات نعتیہ کلام دے ذریعے حضور نبی پاک دی بارگاہ اچ نظرانہ عقیدت پیش کریسن۔ وفاقی دارالحکومت اسلام آباد اتے جاڑے شہررولپنڈی اچ وی عید میلاد النبیدے سلسلے اچ جلوس کڈھیے ویسن ۔جلوس دے رستے اچ آپ دے یوم ولادت دے حوالے نال وڈے وڈے بینرز لاتے گن تے رستیں اچ چراغاں کیتی گئی اے اسلام آباد تے راولپنڈی دی پولیس انتظامیہ تے بئے سیکورٹی اداریں ایں موقع تے سخت ترین حفاظتی اقدامات کوں حتمی شکل ڈتی اے۔ جلوس دے رستیں دی حساس آلات دے ذریعے سکریننگ کیتی ویسی ۔
