وفاقی دارالحکومت سمیت پورے ملک اچ حضور نبی پاک دا یوم پیدائش مناونڑ دے حوالے نال تیاریاں عروج تے پج گن، گھراں، گلیاں اتے بازاراں اچ چراغاں

APP13-15 RAWALPINDI: November 15 – An illuminated view of buildings decorated with colourful lights in connection with Eid-e-Milad-un-Nabi (SAWW) celebrations. APP photo by Abid Zia

اسلام آباد ۔ 15 نومبر (اے پی پی) وفاقی دارالحکومت اسلام آباد اتے جاڑے شہر راولپنڈی سمیت پورے ملک اچ حضور نبی پاک دا یوم پیدائش مناونڑ دے حوالے نال تیاریاں عروج تے پج گن ،لوکاں دی وڈی تعداد حضور نبی پاک نال عقیدت تے محبت دے اظہار دے طور تے اپنڑے گھراں ،گلیاں تے بازاراں اچ چراغاں کر ڈتے جیں دی وجہ توں وڈے شہراں سمیت قصبے تے دیہاتاں اچ وی منظر بہوں دلکش تھی گن ۔گھر تے مسیتاں اتے تعلیمی اداریں اچ حضور دے یوم ولادت دے حوالے نال خصوصی پروگراماں داآغاز تھی گے جیں اچ سیرت النبی تے نعت رسول مقبول دے مقابلے کرائے ویندے پن جیں اچ آپ دی حیات طیبہ دے مختلف پہلوواں کوں اجاگر کرنڑ دے نال نال ایں گال تے وی زور ڈتا ویندا پئے جو دنیا تے آخرت دیاں کامیابیاں سانبھنڑ دا ہکو رستہ آپ دے اسوہ حسنہ تے عمل پیرا تھیونڑ اے ۔ دنیا قیامت تئیں حضور نبی پاک توں رہنمائی اتے ہدایت حاصل کریندی رہ ویسی ۔ آپ دی ذات گرامی اومینارہ نور ہے جیں نال نہ صرف مسلمان بلکہ ساری دنیا رہنمائی حاصل کریندی اے ۔ حضور دے یوم ولادت دے موقع تے پورے ملک دے وڈے شہراں اچ جلسے جلوس منقعد کراونڑ دی روایت بہوں قدیم اے ایں موقع تے وڈے شہراں اچ میلاد کمیٹیاں بنڑائیاں گن تے بالاں تے وڈے بزرگاں آپ کو ںخراج عقیدت پیش کرنڑ سانگے محفل نعت دے انعقاد دے ذریعے تیاریاں دا آغاز کر ڈتے ۔ حکومتی سطح تے اجوکے سال ربیع الاول کوں سرکاری طور تے مناونڑ دا اعلان کر ڈتا گے ۔ 20 تے 21 نومبر کوں وفاقی دارالحکومت اسلام آباد اچ قومی سیرت کانفرنس منعقد تھیسی جیں اچ سعودی عرب ، ایران اتے مصر سمیت پورے ملک توں علمائے کرام کوں سڈیا گے ۔اجوکے سال کانفرنس دا موضوع ”رحمت اللعالمین“ کانفرنس بسلسلہ جشن میلاد النبی رکھیا گے ۔ اجوکے سال وی قومی اتے علاقائی زباناں اچ کتب سیرت، کتب نعت اتے مقالات سیرت تے پورے ملک توں پہلے ،ڈوجھے تے تریجھے نمبر تے آونڑ آلیں کوں انعام نال نوازیا ویسی ۔ہک پرانڑیں روایت رہی اے جو 12ربیع الاول کوں گھر گلیاں تے بازار اچ خصوصی پکوان تیار کرتے غریباں مسکیناں سمیت جلوس دے شرکا اچ ونڈیے ویندن ۔ایں موقع تے حضور نبی پاک دے والہانہ عشق اتے عقیدت دے اظہار دے طور تے لوک مریضاں کوں خون دے عطیے وی ڈیندن۔