اسلام آباد ۔ یکم نومبر (اے پی پی)پاکستان اتے ازبکستان دے وزراءخارجہ دی وفو دی سطح تے ملاقات اتے ایں سانگے مذاکرات مثبت رہین، ازبک وزیر خارجہ افغانستان دے رستے پاکستان اتے ازبکستان وچال ریل روڈ دی پیشکش کر دتی اے، ترجمان دفتر خارجہ امید کیتی اے جو علاقائی راہداری دے مرکز پاروں پاکستان دی صلاحیت اتے وسطی ایشیائی ریاستاں نال رابطے ودھاونڑاچ مدد ملسی۔ترجمان دفتر خارجہ دے مطابق ازبک وزیر خارجہ پنج رکنی وفد نال پاکستان دا دورہ کیتے ۔ وفد اچ نیشنل سیکورٹی کونسل دے سربراہ اختیار عبداللہ،ازبک صدر دے خصوصی ایلچی برائے افغانستان عصمت اللہ ارگاشیف اتے ازبک وزارت خارجہ امور و سیکورٹی سروس دے نمائندے آئے ہن۔دورے اچ سیاسی،سیکورٹی،دفاع،افغانستان اچ مصالحتی عمل،تجارت،سرمایہ کاری سودھے باہمی دلچسپی دے شعبیاں اچ گانڈھے تے بامقصد گالھ مہار تھئی۔ڈو طرفہ تعلقات کیتے سیاسی مشاورت دا افتتاحی سیشن اتے تاشقند اچ مشترکہ وزارتی کمیشن دا چھیواں دور تیکھے کراونڑ تے اتفاق کیتا گئے۔
