پاکستان اچ کوئی دہشت گرد کائنی،بھارت توں آونڑ آلے ہر مزمان دا خیر مقدم کریندوں،صوبائی وزیر اطلاعات تے ثقافت فیاض الحسن چوہان

APP06-16 LAHORE: November 16 - Provincial Information Minister Fayyazul chohan presenting a bouquet to famous writer Javed Akhtar and Shabana Uzmi during a meeting. APP

لاہور۔16 نومبر(اے پی پی )پنجاب دے وزیر اطلاعات تے ثقافت فیاض الحسن چوہان آکھیا جو شبانہ اعظمی اتے جاوید اختر دے پاکستان دے دورہ نال ڈوہیں ملکاں دے تعلقات چنگے تھیسن،پاکستان اچ کوئی دہشت گرد کائنی،بھارت توں آونڑ آلے ہر مزمان دا خیر مقدم کریندوں،ڈوہیں ملکاں دے فنکاراں کوں آپت اچ رابطے ودھاونڑ دی لوڑھ اے۔اے گالھیں انہاں بھارت دی معروف فنکارہ شبانہ اعظمی اتے انہاں دے پئے مشہور مصنف، شاعر اتے نغمہ نگار جاوید اختر نال مقامی ہوٹل اچ ملاقات اچ آکھی،فیاض الحسن چوہان معروف شخصیات کوں لہور آونڑ تے خوش آمدید آکھیا اتے انہاں کوں پھلاں دے گلدستے پیش کیتے۔بھارتی اداکارہ شبانہ اعظمی اتے شاعر ، مصنف جاوید اختر فیاض الحسن چوہان دی گرمجوشی اتے خیر مقدمی توں بہوں متاثر تھیے اتے انہاں پاکستانی عوام دے استقبال اتے مزمان نوازی تے شکریہ ادا کریندیں ہوئیں آکھیا جو پاکستان اچ ساکوں جیڑھی محبت تے عزت ملی اے او کڈاہیں کائنا بھلا سگسوں۔