اسلام آباد ۔ 14 نومبر (اے پی پی) وفاقی وزیر برائے نیشنل ہیلتھ سروسز ریگولیشنز اینڈ کوآرڈینیشن عامر محمود کیانی آکھیا جو پاکستان تحریک انصاف دی حکومت دی پہلی ترجیح صحت اتے تعلیم داشعبہ اے،اسلام آباد کوں صحت دی سہولتاں دے لحاظ نال ماڈل سٹی بنڑایا ویسی،قومی ادارہ برائے معذور بندیاں دی بحالی دی نویں عمارت دا افتتاح آندے مہینے کر ڈتا ویسی،سرکاری ہسپتالاں اچ لیبز، آپریشن تھیٹرز، وارڈز، سی ٹی سکین اتے دیگر ٹیسٹاں سانگے جدید مشینری سمیت صحت عامہ دی سہولیات کوں بہتر کیتا ویندا پئے ،قبائلی علاقیاں اچ سارے لوکاں کوں صحت کارڈ ڈتے ویندے پئن۔وفاقی وزیر برائے نیشنل ہیلتھ سروسز ریگولیشنز اینڈ کوآرڈینیشن عامر محمود کیانی دی ”اے پی پی“ نال خصوصی گالھ مہاڑ کریندیں ہوئیں آکھیا جو اسلام آباد کوں صحت دی سہولتاں نال ماڈل شہر بنڑاونڑ میڈا مشن اے جئیں سانگے وزیراعظم عمران خان خصوصی ہدایت ڈتین۔
