اسلام آباد ۔ 20 نومبر (اے پی پی) پاکستان سمیت پوری دنیا اچ بالاں دا اعالمی ڈینھ منایا گیا ۔ ایں موقع تے وفاقی دارالحکومت اسلام آباد سمیت ملک دے سارے وڈے شہراں اچ مختلف سرکاری تے نیم سرکاری تے تنظیماں ،وڈے ایجوکیشنل گروپ بالاں دے حقوق سانگے کم کرنڑ آلی این جی اوز دے اہتمام نال ورکشاپس، سیمینارز، کانفرنساں ،مذاکرے کرائے گن جیں اچ گھٹ عمر بالاں دی جبری مشقت، معاشرے دے نظر اندازشدہ تے کجھ مخصوس حالات اچ گھریلو ناچاقی داشکار اتے بے وسائل بالاں دے حقوق انہاں دی فلاح و بہبود سانگے عوامی شعور بیدار کرنڑ دی ضرورت تے زور ڈتا گیا ۔
