اسلام آباد ۔ 28 نومبر (اے پی پی) وزیراعظم عمران خان آکھیے جو موجودہ حکومت کاروباری لوکاں تے سرمایہ کاراں کوں ہر ممکن سہولتاں دی فراہمی سانگے پرعزم اے ۔انہاں اے گال ”پیپسی کو“ دے ایشیائ، مشرق وسطیٰ اتے شمالی افریقہ دے چیف ایگزیکٹو آفیسر مائیک سپانوزدی سربراہی اچ وفد نال گال مہاڑ کریندے ہوئیں آکھی ۔ ”پیپسی کو“ دے وفد وزیراعظم کوں پاکستان اچ اپنڑی کمپنی دے کاروباراتے آندے پنج سالا ں اچ 1.2 ارب ڈالر دی مزید سرمایہ کاری دے منصوبیں بارے ڈسایا۔ انہاں صنعت کوں درپیش کجھ مسلیں دا وی ذکر کیتا ۔ وفد موجودہ حکومت دی سرمایہ کاری تے کاروبار دوست پالیسیاں تے بھرپور اعتماد دا اظہار کیتا۔ وزیراعظم آکھیا جو انہاں دی حکومت ملک اچ دستیاب کاروباری موقع توں فائدہ چاونڑ سانگے سرمایہ کار برادری کوں سہولتاں ڈیونڑ دا تہہ کر رکھیے ۔انہاں آکھیا پاکستان قدرتی اتے انسانی وسائل نال مالا مال ملک اے جتھاں 30 سال توں گھٹ عمر دے 10 کروڑ توں ودھ لوکاں دی آبادی موجود اے ۔
