اسلام آباد ۔24 نومبر(اے پی پی)وزیراعظم عمران خان وزیر اعلی پنجاب سردار عثمان بزدار کوں ہدایت کیتی اے جو ودھدی ہوئی سردی پاروں فٹ پاتھ تے سمنڑ آلیں سانگے ٹینٹ لاتے ونجن تے انہاں کوں ٹکر پانڑیں ڈتا ونجے جڈاں تئیں پناہ گاہ دی تعمیر مکمل نئی تھیندی۔ ہفتے کوں اپنڑے ٹویٹ اچ وزیراعظم آکھیا جو ایں مقصد سانگے کراچی اتے پشاور اچ وی جہیں دی نشاندہی کیتی ویندی پئی اے ۔واضح رہے جو 10نومبر2018ءکو ں وزیراعظم عمران خان لاہور اچ پناہ گاہ دی تعمیردا سنگ بنیاد رکھیا ہئی تاں جو کھلے آسمان تلے راتاں گزارنڑ آلے بے گھر لوکاں کوں چھت ڈتی ونج سگے ، حکومت لاہور اچ پناہ گاہیں دی تعمیرسانگے 5مختلف جہیں دی نشاندہی کیتی اے ۔ایں حوالے نال وزیراعظم عمران خان آکھیا جو اے مرکز بے گھر لوک اتے کھلے آسان تلے راتاں گزارنڑ آلیں سانگے رہائش دے بہترین مرکز ہوسن۔
