اسلام آباد ۔ 18 نومبر (اے پی پی) وفاقی وزیر برائے مذہبی امور و بین المذاہب ہم آہنگی ڈاکٹر پیر محمد نورالحق قادری آکھیے جو پورے جگ دے مسلماناں دی حضور نبی کریم ﷺ نال والہانہ محبت و عقیدت اے جیندے اچ ہر کوئی اپنڑا اپنڑا حصہ پاونڑ دی کوشش کریندے اتے اے ساڈے ایمان دا وی حصہ اے،ھکومت اجوکے دھرنیاں دا معاملہ صلح صفائی نال حل کیتےجڈاں جو وزیراعظم بارہاں ربیع الاول شایان شان مناونڑ دی ہدایت کیتی اے۔اے گالھ انہاں ہک نجی ٹی وی چینل نال الویندے آکھی۔انہاں آکھیا جو پاکستان دی حکومت گستاخانہ خاکیاں دے معاملے تے موثر آواز چاتی جیں پاروں اے مسلہ چنگاحل تھئے، حکومت ایندے تے یورپی یونین، او آئی سی دے نال نال سارے غیر ملکی سفیراں کوں اپنڑا بھرپور موقف پیش کیتے جیہڑا قابل تعریف اے۔ انہان آکھیے جو وزارت مذہبی امور حج پالیسی بارے زکوٰة و عشر دے امور دیہدی اے،مختلف معاملیاں تے علمائے کرام، ملکی مشائخ عظام اتے مذہبی سکالرز نال وی روابط ودھائے ویندن، صوفیا کرام پیار مھبت دا درس ڈتے اتے ہر کہیں دی گالھ سنڑن دا حوصلہ رکھنڑ اتے سمجھنڑدا ڈسائے جیندے تے عمل کیتے پوری کوشش نال اگو ٹردے پئے ہیں۔
