چوراں لٹیراں ملکی معیشت کوں خراب کیتے،گند ٹھیک کرنڑ کیتے سو ڈینہہ گھٹ ہین،وفاقی وزیر شیخ رشید دی میڈیا نال گالھ مہاڑ

APP29-17 LAHORE: November 17 – Federal Minister for Railways Sheikh Rasheed Ahmad addressing during a press conference at Railway Headquarters. APP photo by Rana Imran

لاہور۔17 نومبر(اے پی پی )وفاقی وزیر ریلوے شیخ رشید ا حمدآکھیے جو چوراں لٹیراں ملکی معیشت کوں خراب کیتے،گند ٹھیک کرنڑ کیتے سو ڈینہہ گھٹ ہین،فالودہ‘ سکنجبین اتے ویلڈنگ آلیان دے سر تے کھیڈنر آلے جیل دی ہوا کھاسن،آندے سال مارچ تئیں بوہاری پھر ویسی،لٹی گئی دولت ولا گھن آونڑ سوکھی گالھ نئیں،کجھ ملکاں توں پتا لگے جو لٹی گئی دولت ولی آندی اے، معاہدے تھیندے پین،چین دا دورہ وی کامیاب رہے، چوہدری نثار علی خاں مسلم لیگ(ن) یا پی ٹی آئی اچ نئین ویندے پئے۔ اے گالھ وفاقی وزیر ریلوے شیخ رشید ا حمدرےلوے ہےڈ کوارٹرزلاہور اچ میڈیا نال گالھ مہاڑکریندے آکھی۔انہاں آکھیا جو اجوکی صورتحال اچ عمان خان جیویں ملک دے معاملات کوں اگو تے ٹوریندے پین او ہک مثال اے،وزیراعظم دا دورہ چین اینجھا کامیاب رہے جیندے ماضی اچ مثال نئین لبھدی،سعودی عرب توں بعد ہنر یو اے ای دے دورے توں وی وڈیاں توقعات ہین،دورہ چین اچ پاکستان کوں امید توں ودھ کجھ ملیے، جیندی تفصیل آونر آلے ڈینہان سامنڑے آ ویسی۔وفاقی وزیر آکھیا جو ریلوے اچ ملازمتاں دے موقع کڈھدے پئے ہیں، ریلوے کون ہک منافع بخش ادارہ بنڑاونڑ کیتے ڈینہہ رات محنت کریندے پئے ہیں، پچھلے ترائے مہینے دی کارکردگی ہر کہیں دے سامنڑے اے، شالیمار ہسپتال‘رائل پام اتے بزنس ٹرین دے کیسز فاسٹ ٹریک بنیاداں تے گھن ونجنڑ کیتے نیب کوں درخواست ڈیندے پئے ہیں جڈاں جو چیف جسٹس آف پاکستان دے سامنڑے وی سیکرٹری ریلوے‘جی ایم ریلوے نال پیش تھی تے ریلوے کوں لٹنڑ آلیاں دے خلاف کارروائی دا آکھسوں۔