چیئرمین سینیٹ دی کراچی اچ چین دے سفارت خانے تے حملے دی ودھ ساری مذمت

اسلام آباد ۔ 23 نومبر (اے پی پی) چیئرمین سینیٹ محمد صادق سنجرانی کراچی اچ چین دے سفارت خانے تے دہشت گرداں دے حملے دی ودھ ساری مذمت کیتی اے تے واقعے کوں بزدلانہ کاروائی قرار ڈیندے ہوئیں آکھیے جو دہشت گرد ملک دا امن تباہ کرنڑ چاہندن تے ایں قسم دیاں کاروائیاں نال دہشت گرد اپنڑے مذموم مقاصد اچ کڈاہیں کامیاب کائنی تھی سگدے ۔انہاں آکھیا جو پاکستان دی سیکورٹی فورسز جیوں جان فشانی نال دہشت گرداں دے حملے کو ں ناکام بنڑائے او قابل تحسین اے ۔انہاں آکھیا دہشت گرد عوام اچ افراتفری کھنڈا تے ترقی دے عمل دے رستے اچ رکاوٹاں پاونڑ چاہندی ۔ سینیٹ اچ قائد ایوان سینیٹر شبلی فراز ،سینیٹ اچ قائد حزب اختلاف سینیٹرراجہ محمد ظفرالحق وی دہشت گرد حملے دی ودھ ساری مذمت کیتی ۔